Colegio Ikasbide Ikastetxea

Ikasbideko 2. DBHko ikasleek egin duten bideoa finalista da UNESCO Etxeak antolaturiko “Eman minutu 1… HEZKUNTZA” Ikus-Entzunezko Lanen Nazioarteko 8. Lehiaketan

Joan den ostegunean, otsailaren 15ean, epaimahaia bilduta eta aurkeztu diren 70 lan ikusita, “Eman minutu 1… HEZKUNTZA” Ikus-Entzunezko Lanen Lehiaketaren 8. edizio honetako 19 bideo finalistak jakinerazi dizkigute eta haien artean badago Ikasteko Beharra, Ikasbide Ikastetxeko 2. DBHko ikasleek, Leire Andrio, Asier Barco, Gontzal Barco, Julia Díaz eta Jon Martínez-ek egindako bideoa.

Ikasbideko 4. DBHko Maite Fernández, Alba Ruiz, Unai Garzón, Ibone Ipiña eta Jon Ortegak egindako Nik ikasi nahi dut, eta zuk? eta 2. DBHko Anne Zamora, Irene Álvarez, Beatriz García, Aitana Ibáñez, Arrate Martínez eta Gontzal Rodríguez-ek egindako Educación para el cambio bideoak ere aurkeztu dira. Hauexek ez dute izan aurrekoek beste zorterik, baina aurrekoek beste maitasunarekin eta bezain ondo egin dute.

Bideoak filmatzeko orduan DBHko beste ikasle askok aktore edo extratzat parte hartu dutela aipagarria ere da. Mila esker neska-mutilak!

Hemen dituzue aurkeztutako bideoak.

Sari-banaketako ekitaldia Bilboko Eitb-eko Multibox aretoan gertatuko da hurrengo ostiralean, martxoaren 2an, arratsaldeko 20:00etan. Ana Urrutia aurkezlea izango da eta bideo finalistak ikusi ondoren irabazleak ezagutuko ditugu.

UNESCO Etxea – Euskal Herriko UNESCO Zentroa nazioarteko borondatea duen euskal GKE bat da, eta joan den 26 urteotan Bakearen Kulturaren eta Giza Garapen Iraunkorraren alde ari da lanean, eskubideak eta erantzukizunak, biak, aintzat hartuko dituen kulturaren alde; pertsonak, gizarte‐erakundeak, hizkuntza‐  eta kultura‐  komunitateak eta herriak aintzat harturik, hiritargo globa demokratikoa eraikitzeko lan egingo duen mundu baten alde.

“Eman minutu 1” lehiaketak guztiak berdinak garela, eskubide eta betebehar berberak ditugula eta pertsona guztien eskubideak denok defendatu behar ditugula aldarrikatzen du.

“Eman minutu 1 HEZKUNTZA inklusibo eta ekitatiboaren alde” ikus - entzuteko lehiaketak gizarte begirunetsu eta giza eskubideen defentzan jarduten duen sozietatearen eraikuntzan laguntzea helburu gisa aurkezten du, Hezkuntza Giza Eskubidearen defentzan parte hartzen duen gizarte kritiko eta solidarioari arreta berezia jarriz.

Lanek ondorengo gaien sustatzeari, defendatzeari eta/edo urraketa salatzeari buruzkoak izan behar dute:

  • Garapen Iraunkorrerako 4. Helburua: “Guztiontzako kalitatezko hezkuntza inklusiboa nahiz bidezkoa bermatzea eta etengabeko ikaskuntzarako aukerak bultzatzea”.
  • Giza Eskubideen Aldarrikapen Unibertsalaren 26. atala: “Pertsona orok du hezkuntza-eskubidea. Hezkuntza dohainekoa izango da oinarrizko ikasketei dagokienez behintzat. Oinarrizko ikasketak egitea derrigorrezkoa izango da; heziketa teknikoa eta lanbiderakoa, orokorra; eta denek izango dute goimailako ikasketak egiteko aukera bera, norberaren merezimenduen arabera”.

Aurten Otsailaren 9an, ostirala, inauteriak ospatu genituen gure ikastetxean. Aurtengo Lehen Hezkuntzako gaia ZIRKOA izan eta arratsaldez ikasle eta irakasleok jaialdi bat egin genuen ikastetxeko terrazan ospakizun giza. Goizez, patio ostean, ekintza desberdinak landuko genituen gai honekin lotuta. Eguna amaitzeko guztiok elkarrekin dantza bat egin genuen.

Gehiago irakurri...

Otsailaren 8an Ikasbideko DBHko 1. Mailako ikasleak Santanderrera joan ginen Santanderreko, Castroverdeko ikasleekin egotera eta ekintza deportibo batzuk egitera. Urrengo egunean, 9an, haiek etorri ziren Bilbora. Bilbo ezagutu zuten, Herriro Kirolak egin zituzten eta gurekin egon ziren.

 

 

"Todos hemos de cooperar... aquí cada cual tiene su sitio, su deber, su responsabilidad..."

Pedro Poveda

Ikasbide Boletina

Idatzi zure posta elektronikoaren helbidea, gure berriak zure e-postan zuzenean jaso ditzazun: