Colegio Ikasbide Ikastetxea

“Lekuminizizazu”, osasuna hobetuko duzu”  da, azken asteotan, lekaleez gehiago  jakiteko eta horiek gure jan-edanean duten balioa azpimarratzeko jantokian landu dugun tailerraren ikurritza.

Hasteko, horma-irudi bat egin dugu lekale-mota desberdinak jakinarazteko, baita horiek  gure osasunari eta Lurrari dakarzkieten onurak azaltzeko ere. Bitxikeriaren bat ikasi dugu, txikiekin ipuin-kontaketa antolatu dugu –ipuinen protagonistak, lekaleak – ,  lekale-koadroak eta orri-markatzaileak egin ditugu eta dominoan eta tribial berezi batez jokatu dugu.

 Ikasleek, erakusketatxo baten bidez, lehen eskutik ezagutu dituzte lekale-motak.
 Bukatzeko, sukaldaritza-tailerra ere antolatu dugu Lehen Hezkuntzako 4. mailako ikasleekin: lekale-plater desberdinak prestatu dituzte, eta modu dibertigarriago batean jan daitekeela egiaztatu dute. Dilista-dip-a,  indaba-patea erremolatxarekin eta txitxirio-hanburguesa. Arrakasta ederra.

 

Lehen Hezkuntzako lehenengo mailako ikasleak ikertzaile bihurtu gara azken asteetan. Landareen gaia hobeto ikasteko eta benetazko esperientzia bat bizitzeko esperimentu bat egin dugu. Jogurt pote batzuetan lekale ezberdinak landatu ditugu eta gero landareak egoera ezberdinetan jarri ditugu: batzuek eguzkiaren argia izan dute eta beste batzuek ez; batzuk ureztatu izan ditugu eta beste batzuk ordea ez.

Horrela gure ondoriak atera ditugu benetazko zientzilariak bezala: landareek ura behar dute bakarrik hasieran hazteko baina gero, eguzkiaren argia behar dute ere bizitzen jarraitzeko. Eguzkiaren argia izan duten landareak berde –berde atera ziren eta eguzki barik egon zirenak zuri eta hori koloretakoak.

Hauxe guztia txosten batean jaso genuen gero familiarekin konpartitu ahal izateko.

Zelako esperientzia polita!

Eskolako hainbat gela ta leku ezberdin ikusteko, jada alegiazko bisita egin dezakegu!

Honetarako, Google mapseko Street View izeneko aplikazioan sar zaitezkete edota hurrengo linkean saka dezakezue Alegiazko bisita

"Todos hemos de cooperar... aquí cada cual tiene su sitio, su deber, su responsabilidad..."

Pedro Poveda

Ikasbide Boletina

Idatzi zure posta elektronikoaren helbidea, gure berriak zure e-postan zuzenean jaso ditzazun: