Colegio Ikasbide Ikastetxea

Intered Gaztean dauden taldeak abian jarri nahi ditu Interedek Ikasbideko DBHko 4. mailako ikasleekin eta proiektu honekin jarraitu nahi duten ikasle ohiekin.

Osatuko den taldea dinamizatzeko boluntariotzari buruzko prestakuntzan trebatu nahi duten pertsonak behar ditu, gure mundua hobetzeko konpromisoa duten gazteak.

Interesatuok Marisol Alvarezengana abiatu

Kalitateko hezkuntza integrala lortzea helburu dugunez, ohiko ekintzak ez ezik, bestelako ekintzak ere egiten saiatzen gara. Izan ere, ekintza horietan ikasleak kanpora irteten dira, natura eta ingurumen-ondarea hobeto ezagutzeko. Ekintzok gorputz- eta kultura-jarduerekin lotuta daude eta, horien eskutik, besteak beste, elkartasuna eta adiskidetasuna sustatzen dira.

Hori guztia dela eta, Ikasbideko hezkuntza-elkarteak, DBHko 4. mailako ikasleekin batera, Done Jakue Bideko bost etapa egingo ditu oinez. Eta pertsona hauek izango dituzte bidaide: DBHko bi irakasle, LHko beste irakasle bat, irakasle ez den pertsona bat eta horniduraz nahiz azpiegituraz arduratuko diren bi guraso.

Igandean, maitzaren 1ean Leonerantz abiatu gara eta datorren maitzaren 7an, gauez, etxeratuko gara. Aurreikusitako programa hauxe da:

Igandean 2016-05-01 Bilbao – León trenez

Astelehenean 2016-05-02 1. etapa: León – O’Cebreiro – Sarria autobusez. Sarria – Portomarín (12 Km)

Asteartean 2016-05-03 2. etapa: Portomarín – Palas de Reí (23 Km).

Asteazkenean 2016-05-04 3. etapa: Palas de Reí – Arzua (25 Km).

Ostegunean 2016-05-05 4. etapa: Arzua - Pedrouzo (22 Km).

Ostiralean 2016-05-06 5. etapa: Pedrouzo – Santiago de Compostela (15 Km).

Larunbatean 2016-05-07 Santiago de Compostela – Bilbao trenez

 

Argazkiak jasotzen ditugun heinean argitaratuko ditugu. Argazkiak ikusteko ikastetxeko facebooken ikusi ahal dituzue.

Etxeratzean bidaiaren berri emango dizuegu!

Bitartean... ONDO JOAN!

Jakinarazi genizuen bezala, Ikasbidek EERRen Kongresuan parte hartu zuen.

Oso esperientzia interesgarria izan zen, non 6. mailako ikasleek, pertsona guztien kalitatezko heziketa bat jasotzeko eskubideei buruzko idei eta burutapenak agintariz beteriko entzutegi batean azaldu zituzten. Hau da, ikasle bakoitzaren beharrei erantzuten dituen HEZKUNTZA.

Gaur goizez, Haur Hezkuntzako 2. mailako lagunok gure andereñoekin Arte Ederren Museora hurbildu gara. Bertan, hainbat eskultura eta koadro ikusi ditugu, esate baterako, "Lorategi handia" Rafael Balerdirena, "Campesinas vascas con frutas y hortalizas" Aurelio Artetarena, "La creación del mundo" Fernand Légerrena eta "Naturaleza muerta" Jean Metzingerrena baita bi natura hil ere. Honez gain, eraikinaren alde zaharra eta berria, denda eta liburutegia ikusi ditugu. ¡Bai izugarrizko goiza pasatu dugun!

"Todos hemos de cooperar... aquí cada cual tiene su sitio, su deber, su responsabilidad..."

Pedro Poveda

Ikasbide Boletina

Idatzi zure posta elektronikoaren helbidea, gure berriak zure e-postan zuzenean jaso ditzazun: